Таза батырша

16.04.2022

Екібастұзда жарияланған жалпықалалық сенбілік «Богатырь Көмір» кәсіпорнының қызметкерлері тарапынан қолдау тапты. 

Қонаев даңғылы, Серіктестіктің әкімшілік ғимараттарына іргелес Б.Момышұлына сеніп тапсырылған аумақты тазалауға барлығы 379 адамды құрайтын барлық құрылымдық бөлімшелердің өкілдері бір кісідей жұмыла кірісті.  «Богатырь» кеніші, БЖКБ, ТЖЖЖД, ТКБ, ТКЖЖ зауыты, Автобаза, Энергиямен жабдықтау дирекциясы, атқарушы аппарат жұмысшылары тазалауға қажетті құрал-жабдықтармен қамтамасыз етілді.  Сонымен қатар Серіктестік тарапынан 12 техника – КамАЗдар, жүк тиегіштер, тракторлар, самосвалдар бөлінді.  Сенбілік нәтижесінде қала көшелері таза болды, 81 текше метр қоқыс шығарылды.

«Богатырь Көмір» ЖШС–нің баспасөз қызметі.