Жұмысқа «Фермер» қосылады
26.11.2021
Жаңа жүк-жолаушы «Фермер» УАЗ-390945 «Богатырь Көмір» компаниясының автопаркін толықтырды.
Машина кеніште өнеркәсіптік жарылыстарды жүргізу кезінде қолданылатын аммиак селитрасын тасымалдауға арналған.
УАЗдың басты артықшылығы – классикалыққа айналған жолдан тыс жерлерде жоғары өткізгіштігі, сонымен қатар кабинаның сыйымдылығы.
«Фермерде» бес жолаушы орны бар, бірақ тағы бір маңызды нәрсе – олардың барлығы қауіпсіздік белдіктерімен жабдықталған. Автомобиль жергілікті климаттық жағдайларға толығымен бейімделген. Кең шанақпен жабдықталған машина салмағы 1 тоннаға дейінгі жүктерді тасымалдауға қабілетті. Тенттің алмалы-салмалы қаңқасы ірі габаритті жүктерді тасымалдауға мүмкіндік береді. Қауіпсіз қозғалыс үшін жыпылықтайтын шамшырақ бар. Алдағы күндері машина жолға шығады.
«Богатырь Көмір» ЖШС–нің баспасөз қызметі.