2015 жылы «Богатырь Көмір» ЖШС техникалық қайта жарақтануды аяқтап, тұтынушыларға біркелкіленген көмірді жеткізуге көшеді.

      Бірінші кезең шеңберінде (2001-2008  ж.) «Богатырь» кенішінде жұмыс істеп тұрған көмірді біркелкілеу және тиеу бойынша конвейерлік-теміржол кешені қайта құрастырылуымен оның өнімділігі жылына 14 миллион көмірге көбейеді.

     Екінші кезең (2005-2008 ж) гидравликалық экскаваторлар,  ауыр жүк аударғыштар, сонымен бірге көмірді біркелкілеу бойынша конвейер-теміржол технологиясын қолданумен  авто-теміржол технологиясын енгізуді  қарастырады. Авто-теміржол технологиясын енгізу - көмірді  өндіру мен тиеудің  цикльді-толассыз кезеңіне  өтудің аралық кезеңі болып табылады. Көмірді забойдан өндіру  ауыр жүкті аударғышы (жүк көтергіштігі (909130 тонна) бар тиегіш гидравликалық экскаваторлармен іске асырылатын болады. Бұлар өз кезегінде көмірді біркелкілеуімен көмірді қаттауды құрайтын орындарға дейін тасымалдайды. Қатталған біркелкіленген көмірді теміржол вагондарына тиеуді роторлы экскаваторлар іске асырады. Вагондардағы көмір күлділігі мүлдем азайтылады.

     «Богатырь Көмір» ЖШС үшін ғана емес, тұтастай алғанда бүкіл кен орны үшін аса маңызды жаңа өнеркәсіптік автомобиль-теміржол технологиясын пайдалану  немістің «Liebherr»  фирмасы, түріктің  «Borusan Makina» компаниясы өкілдері мен Австралиядан келген мамандардың белсенді қатысуымен іске асты. Жобаны іске асыруға компания 18 миллион доллар қаржы салды.

     Бағдарламаның үшінші соңғы кезеңінде (2008-2015 ж)  «Богатырь» кенішінің бүкіл өндірілетін көмір көлемін біркелкілеуімен цикльді –толассыз технологияға толық көшу іске асырылатын болады. Атап айтқанда, осы кезеңде техникалық қайта жарақтандыруға қомақты қаржы салуға тура келеді. Осы кезеңде кеніште көмірді автомобильден конвейер  көлігіне қайта тиейтін ұсақтау-қайта тиеу пункттері бар магистральдық конвейерлер, көмірді кеніштен жоғарыға тасымалдайтын көтеру конвейері, сонымен бірге +165 метрдегі деңгейжиекте біркелкілеу тиеу кешені салынатын болады. Жылдық қуаты 50 миллион тонна көмір өндіруге бағытталған бағдарламаның үшінші кезеңін іске асыру кезінде роторлы экскаваторларды гидравликалық бір шөмішті экскаваторларға ауыстыру, өздігінен аударатын ауыр жүк парктерін толықтыру аяқталады.

   Жоспарланған 2015 жылға дейін «Богатырь» кенішінде жалпы қаржы салу көлемі 390 миллион евроға бағаланып отыр.