Ардагерлер демалыста

24.08.2025

«Богатырь Көмір» ЖШС ардагерлерін әрқашан құрмет тұтады!

Компаниямыздың ең қымбат қазынасы – өндіріс өркендеуіне өлшеусіз үлес қосқан ардагерлеріміз. Олардың қажырлы еңбегі мен өмірлік тәжірибесі әрдайым бағаланып, ерекше құрметке ие. Біз ардагерлерімізге тағзым ете отырып, оларды үнемі назарда ұстаймыз.

Шахтер күні қарсаңында ардагерлердің бір тобы мерекелік шараға шақырылып, ақ дастарқаннан дәм татқаны белгілі. Ал жуырда тағы да 50 ардагер кеншіге табиғаты көркем «Жасыбай» демалыс орталығындағы «Березка» демалыс үйінде тынығу мүмкіндігі жасалды.

Үш күн бойы таза ауада серуендеп, денсаулықтарын шыңдап, күш-қуат жинап қайтқан ардагерлер ерекше көңіл-күймен үйлеріне оралды. Олардың қуанышты жүздері мен берген ақ баталары – біз үшін ең үлкен марапат.

Бұл игі дәстүр ардагерлерге деген құрмет пен қамқорлықтың айқын көрінісі.


Жаңалықтар тізіміне оралу