«Богатырь Көмір» – ұлттық мұраны сақтау жолында

26.07.2025

2025 жылғы 25–26 шілде күндері Ертіс ауылында ақын, әнші, композитор, алғашқы кәсіби қазақ актерлерінің бірі Иса Байзақовтың 125 жылдығы кең көлемде аталып өтті.

Иса Байзақов – Ертіс ауданына қарасты Үлгілі ауылында дүниеге келген. Айтулы шараға орай Ертіс ауылында этноауыл құрылып, онда киіз үйлер тігіліп, ұлттық нақыштағы көріністер ұйымдастырылды. Солардың қатарында «Богатырь Көмір» ЖШС атынан екі киіз үй тігіліп, Компания тарапынан құрметті қонақтарға арналып арнайы дастархан жайылды.

Этноауыл аясында «Ертіс аясында» атты халықаралық ақындар айтысы өтті. Бұл мәдени додаға Қазақстан, Моңғолия және Қырғызстаннан келген 12 ақын қатысты.

Сонымен қатар ат спорты ойындары, қазақ күресінен жарыс ұйымдастырылды және қолөнер бұйымдарының жәрмеңкесі жұрт назарына ұсынылды.

Сонымен бірге жиналған қауым  Иса Байзақов атындағы облыстық филармония әртістерінің, облысымыздың көркемөнерпаз ұжымдарының, Қазақстан эстрада жұлдыздарының қатысуымен болған концертті тамашалады.