Шеберлік пен ептілік сайысы
22.07.2025
21-22 шілде күндері «Богатырь Көмір» ЖШС-де «Мамандығы бойынша үздік» кәсіби шеберлік байқауы аясында ЭКГ экскаваторларының машинистері өзара бақ сынасты.
Бүгінгі жарысқа өндіру және аршу учаскелерінен келесі қызметкерлер қатысты:
• №2 өндіру жұмыстары учаскесінен – Александр Анискин, Владимир Чепурнов;
• №2 аршу және үйінді жұмыстары учаскесінен – Әлібек Оспанов.
• №3 аршу және үйінді жұмыстары учаскесінен – Шамиль Даутов, Артём Косовский, Марат Исмагамбетов;
Байқау екі кезеңнен тұрды. Алдымен қатысушылар теориялық білімдерін тексеру мақсатында 20 тестілік сұраққа жауап берді. Одан кейін олар практикалық тапсырмаларды орындауға кірісті.
Бірінші тапсырмада машинистер экскаватордың шөмішімен допты дәл себетке түсіру керек болды. Әр қатысушыға бес мүмкіндіктен берілді. Қатысушылар доптардың басым бөлігін нысанаға дөп түсірді.
Келесі кезеңде эскаваторшылар шөміш табанымен тақтайға шеге қағуға кірісті. Қатысушылар шегені мүмкіндігінше терең қағуға тырысты, ал бағалау кезінде шегенің тақтай ішіне ену ұзындығы есепке алынды.
Соңғы тапсырма машинистерге шөмішке байланған ілмекпен ауыр тасқа толы шелекті көтеріп, оны дәл белгіленген темір төртбұрыштың қақ ортасына орналастыру міндеті жүктелді. Бұл кезеңде әр секунд маңызды болды. Өйткені бұл тапсырмаға жұмсалған уақыт ескерілді.
Байқау нәтижелері екі күндік сайыс қорытындысы негізінде шығарылатын болады және жеңімпаз бен жүлдегерлердің есімдерін жариялымдардан күтіңіздер.