Кеншілерге арналған лаунж-аумақ

08.05.2025

Бүгін Автобазаның АКЦ-1 аумағында бөлімше қызметкерлеріне арналған лаунж-аймақтың салтанатты ашылуы өтті. Ашық аспан астындағы шағын самалжай демалуға және шағын корпоративтік іс-шаралар өткізуге арналған жайлы орынға айналмақ.

Жеке құрам және әлеуметтік саясат жөніндегі директор Нұрлан Муқулов құттықтау сөзінде жиналғандарды Ұлы Жеңіс күнімен құттықтап, аспанымыз ашық болсын деген тілегін жеткізді.

Бас директордың өндіріс жөніндегі орынбасары Сергей Усик өз сөзінде ата-анасының майданда қалайша аман қалғаны, тылдағы өмірі және  Жеңісті қалай күткендері туралы естеліктерімен бөлісті. 

Бас директордың инвестициялар, даму және IT-GR жөніндегі орынбасары Даурен Асылханов қазіргі күрделі геосаяси жағдайды атап өтіп, Қазақстанның бейбіт ел болып қала беруінің маңыздылығын айтты. Ол баршаға бейбіт өмір, амандық-саулық пен еңбекте табыс тіледі.

Концерттік бағдарлама аясында гимнастерка киген талантты кеншілердің орындауында әскери соғыс жылдарындағы әндер шырқалды. Ал демалыс аймағында мерекелік ерекше белгі ретінде қызметкерлердің бірі — милитаристің  жеке жинақтамасынан алынған заттар қойылды.