Үздік вагонша

03.04.2025

Дүниежүзілік еңбекті қорғау күніне орай Компаниямызда өткізіліп жатқан қауіпсіздік және еңбекті қорғау талаптарын сақтау айлығы аясында «Үздік тұрмыстық вагонша» байқауы өтуде.

Осыған байланысты конкурстық комиссия байқау-конкурсқа қатысуға өтініш берген учаскелердің тұрмыстық вагоншаларында қауіпсіздік техникасы мен еңбекті қорғау талаптарының сақталуын, нұсқамалардың болуын және жұмысқа қажетті құрал-жабдықтардың толықтығын тексерді. Сондай-ақ, қандай да бір бұзушылықтар немесе тәуекелдер анықталған жағдайда оны «Қауіпсіз өндіріс» ААЖ-не хабарлауға арналған QR-кодтың бар-жоғын да қарастырды. QR-кодтың болуы ғана емес, оны қызметкерлердің қолдану деңгейі де назарға алынды.

3 сәуір күні комиссия мүшелері келесі құрылымдық бөлімшелердің тұрмыстық вагоншаларын тексерді:

• «Богатырь» кеніші – №3 электрлендіру учаскесінің, дренажды шахтаның №1 желдету және қауіпсіздік техникасы учаскесінің;

• Богатырь жүк тиеу-көлік басқармасы – №5, 6 жол учаскелерінің;

• Энергиямен жабдықтау дирекциясы – №2 жылусумен жабдықтау учаскесінің;

• Тау-кен-көлік  жабдықтарын жөндеу зауыты – экскаватор жөндеу цехының.

Байқаудың басты мақсаты – еңбек жағдайларын жақсарту, қауіпсіздік талаптарының қатаң сақталуын қамтамасыз ету және қызметкерлердің еңбек мәдениетін арттыру.