Үздік учаске

02.04.2025

28 сәуірде аталып өтілетін Дүниежүзілік еңбекті қорғау күніне арналып, кәсіпорнымызда түрлі конкурстар өткізілуде. «Үздік өндірістік учаске/цех» байқау-конкурсына қатысушылардың  арасынан үздігін анықтау мақсатында құрамында кәсіподақ ұйымдарының өкілдері, АҚ және ЕҚ басқармасының мамандары бар комиссия құрылды.

Міне, осы комиссия 2 сәуірде конкурсқа қатысушы учаскелерді аралауды бастады.

Соның барысында:

• қауіпсіз еңбек жағдайларын қамтамасыз ету,

• қауіпсіз жұмыс тәсілдері мен еңбекті қорғауға арналған көрнекі ақпараттың, нұсқамалардың бар болуы,

• санитарлық-тұрмыстық жағдайлармен қамтамасыз ету, ауыз судың бар болуы,

• жеке қорғану құралдарының жарамдылығы, сақталуы, тізімі,

• техникалық және жедел құжаттаманың мазмұны, тізімдеме бойынша толық болуы тексерілді.

Комиссия келесі учаскелерді аралап тексерді:

• Энергиямен жабдықтау дирекциясының Богатырь кешенін электрмен жабдықтау учаскесі,

• Богатырь» жүк тиеу-көлік басқармасының байланыс, «Богатырская» станциясы, «Ударная» ЖҚД учаскелері,

• «Богатырь» кенішінің жерасты тау-кен үңгілеуші және жөндеу-пайдалану учаскесі,

• №3 электрлендіру, №3 аршу және үйінді жұмыстары учаскелері.

Байқауға қатысушы басқа учаскелерді аралап, тексеру 8 сәуірге дейін жалғасады.