Компаниядағы ротация

06.02.2025

«Богатырь Көмір» ЖШС-не жаңа бас директор тағайындалды.
«Богатырь Көмір» ЖШС — қатысу жағынан екі тараптың да үлесі тең Қазақстан- Ресей компаниясы. Осыған байланысты өткен аптада компанияның басқару құрамында маңызды өзгерістер орын алды - кәсіпорынның бас директоры болып Қайрат Рғайбекұлы Рғайбек тағайындалды.

Қайрат Рғайбекұлының кәсіби жолы қарулы күштердегі қызметтен басталды. Кейіннен ҚР мемлекеттік құрылымдары мен қорғаныс өнеркәсібі кәсіпорындарында түрлі басшылық лауазымдарда қызмет атқарды.

Қайрат Рғайбек «Богатырь Көмір» ЖШС-де бұрын қаржы бақылаушысы – қызмет басшысы және атқарушы директор лауазымдарында қызмет жасаған.Сондықтан өндірістік үдерістермен, корпоративтік құрылыммен және көмір өнеркәсібінің ерекшелігімен жақсы таныс.

Одан басқа, Қайрат Рғайбек өңірдің саяси өміріне белсене қатысып, Павлодар облысы маслихатының VI шақырылымының депутаты болып сайланды және облыс пен қаланың әлеуметтік-экономикалық жағдайын жақсартуға үлесін қосты.