13 миллион теңгеден айырылды

05.12.2024

Екібастұз полицейлері «Богатырь Көмір» ЖШС қызметкерлеріне қаскүнемдер күн сайын ойлап табатын алдаудың жаңа схемалары туралы айтып, алаяқтарға қарсы тұрудың басты әдісі — қырағылық екенін еске салды!

- Бейтаныс адамдардан қоңырау шалғанда абай болыңыздар. Өздерін банктердің, құқық қорғау органдарының немесе басқа ұйымдардың қызметкерлеріміз деп таныстыратын бейтаныс адамдарға сенбеңіздер.

- Аға буынға кез-келген ақша операциялары тек банк бөлімшелерінде және жақын адамдарымен келісім бойынша жүргізілуі керек екенін түсіндіріңіздер.

- Естеріңізде болсын: ешкім сіздің жеке деректеріңізді немесе банк карталарының деректемелерін телефон арқылы немесе интернет арқылы талап етуге құқылы емес.

Статистика алаңдатады. Биыл «Богатырь Көмір» ЖШС-нің 7 қызметкері интернет-алаяқтықтың құрбаны болды. Келтірілген жалпы шығын көлемі 13 миллион теңгеден асты!

Бұл туралы туған-туыстарыңызбен, достарыңызбен және әріптестеріңізбен сөйлесіңіздер. Алаяқтық схемалар туралы неғұрлым көп адамдар білсе, қаскүнемдердің мүмкіндіктері соғұрлым аз болады.

Өзіңізді және қаржыңызды қорғаңыз!