Алаңдағы жеңіс

16.02.2024

«Богатырь Көмір» футбол командасы Екібастұз кәсіпорындары арасында чемпион атанды. Біздің спортшылар «Екібастұз МАЭС-1»  ЖШС  кәсіподақ ұйымының 10 жылдығына арналған шағын футболдан турнирге қатысты.

Барлығы 6 команда мәлімделген. Олар: ҚТЖ, «KBI Energy Group», МАЭС-1, МАЭС-2, «Восточный» кеніші және «Богатырь Көмір» ЖШС.

35 жасқа дейінгі санатта «Богатырь»  футболшылары қарсыластарын таза жеңді, тіпті қарсыластарына  шабуыл жасауға да мүмкіндік бермеді. Сөйтіп финалға 4:0 есебімен жетті.

Ақтық ойында ҚТЖ командасының өкілдерімен кездесіп, оларды 7: 1 есебімен ойсырата жеңе білді. Аталмыш есеп - турнирде бірінші орынды иеленуге мүмкіндік берді.

Сонымен қатар, қатысушылар 35 + санатындағы шағын футболдан жарыстарға қатысып, 7 команда арасында жақсы нәтиже көрсетіп, төртінші орынға ие болды.

«Богатырь Көмір» футболшыларын тамаша нәтижелерімен құттықтаймыз және спортта жеңісті күндерінің көп болуына тілектеспіз.