Бастау сәтінде

04.02.2024

Бүгін «Богатырь Көмір» компаниясының спорттық-сауықтыру кешенінде қызметкерлердің балаларына жақсы көңіл-күй сыйлау мүмкіндігі болды. «Балаларға күлкі сыйлаңыздар» күніне арналған көңілді старттарды кәсіпорынның біріккен жастар қозғалысы ұйымдастырды.

Жарыс алты кезеңде өтті: «Ирек жолмен өт», «Көңілді пингвиндер», «Допты бер», «Тоннель», «Баллонмен эстафета», «Достарды жина». Балалар екі командаға бөлініп, барлық тапсырмаларды қуана орындады. Олар жылдамдықпен, ептілікпен, командада жұмыс істей білумен жарысты. Спорттық ынта мен жеңіске жетуге деген ұмтылыс сезілді. Жас спортшылар мәреге бірінші болып келуге бар күштерін салды.

Ойынның әр кезеңінде командалар қарсыластарынан озып кетуге тырысты. Балаларын қолдауға келген ата-аналар ойыншылардың әр қимылын қадағалап, өз командаларына қол шапалақтап, қолдап отырды.

Мереке қызықты әрі көңілді өтті. Спорт алаңында күлкі мен керемет көңіл-күй орнады. Жарысқа қатысқан балалардың әрқайсысы өзін команданың құнды мүшесі ретінде сезініп, бірлескен күш-жігермен әсерлі нәтижелерге қол жеткізуге болатынына сенімді болды.

Балалар іс-шарасы аяқталғаннан кейін барлық қатысушыларға тәтті сыйлықтар таратылды.