Кеншілердің басты мерекесіне жаңа автобустар

10.08.2023

«Богатырь Көмір» кеншілеріне келе жатқан Шахтер күні мерекесіне орай алынған 13 жаңа «ПАЗ – 32053» автобусы керемет сыйлық болды, олар бүгін компанияның автобаза паркін толықтырды.

Жолаушылар көлігінің келіп түскен партиясы кәсіпорынның техникасы мен жабдықтарын жаңарту бойынша инвестициялық бағдарлама шеңберінде сатып алынды. Естеріңізге сала кетейік, соңғы бірнеше жыл ішінде компания бұдан бұрын қызметкерлерді өндірістік учаскелерге жеткізу үшін белсенді пайдаланылатын «ПАЗ» маркалы 35 автобус сатып алған болатын. Жаңа модификацияланған автобустардың артықшылықтарына жоғары арқалықтары мен сапалы қаптау материалы бар ыңғайлы жолаушылар орындықтары кіреді, барлық орындықтар қауіпсіздік белдіктерімен жабдықталған. Машинаның салоны суық мезгілде жылу оқшаулаудың жоғары дәрежесін қамтамасыз ететін панельдермен қапталған, қыста жолаушыларға қолайлы жағдайлар орнатылған жылыту жүйесіне кепілдік береді. Жазғы ыстық уақытта салонды желдету үшін көлік төбесінде орналастырылған қалыпты бекіту механизмі бар үш люк қарастырылған. Гидравликалық жүйенің көмегімен тартылатын аяқ тірегі жолаушылардың автобусқа отыруын жеңілдетеді. Барлық келіп түскен машиналар қозғалыс кезінде қауіпсіздік үшін қолданылатын жарқыл маяктармен жабдықталған. Бұл көліктер құрылымдық бөлімшелердің қызметкерлерін тасымалдайтын болады.

Автобазаның директоры Руслан Бақбаевтың айтуынша, келіп түскен автобустар биылғы жылдың соңғы сатып алуы емес. Жаңарту бағдарламасы аясында «Соболь» маркалы жүк-жолаушылар көлігінің 17 бірлігі және жол талғамайтын көлік класындағы 4 жеңіл автомобиль келеді деп күтілуде.

«Богатырь Көмір» ЖШС баспасөз қызметі.