Жеңіске жету

12.07.2023

Шахтер күні қарсаңында «Богатырь Көмір» компаниясында дәстүр бойынша кәсіби шеберлік конкурстары басталды. Өндірістік жарысқа бірінші болып адымдағыш экскаваторлардың машинистері түсті.

Ол № 2 аршу және үйінді жұмыстары учаскесінде(АжәнеҮЖУ)  өтті. Бұл ретте конкурсқа барлық учаскелер қатысты: № 1 АжәнеҮЖУ, № 2 АжәнеҮЖУ, № 3 АжәнеҮЖУ.  Басталар алдында теңдессіз жеті қатысушы тестілеуден өтті, оның барысында әркім еңбекті қорғау және қауіпсіздік техникасы бойынша 17 күрделі сұраққа жауап беруі қажет болды. Содан кейін қатысушыларға машинаны басқару дағдыларын көрсету ұсынылды. Практикалық блок екі тапсырмадан тұрды. Біріншісі – шөмішке байланған ілгекке тастармен толтырылған шелекті іліп, оны металл жақтаудың ортасына ауыстыру. Оған екі әрекет жасау берілді: байқау және сынақ. Екінші тапсырма – баскетбол добын экскаватор шөмішімен арнайы орнатылған себетке лақтыру. Бұл жағдайда алты әрекет жасау берілді: бір байқау және бес сынақ. Бір сәтте тербелетін маятникке ұқсайтын үлкен шөмішпен ұстау және тапсырманы орындау іс жүзінде ерекше шеберлік пен түйсікті көрсетуді білдірді. Конкурстық толқуды бәрі бірдей жеңе алмады. Үздіктер жүлдегерлер үштігі қатарына кірді, олардың есімдері Шахтер күні қарсаңында салтанатты ұлықтау кезінде жарияланатын болады.

«Богатырь Көмір» ЖШС баспасөз қызметі.