Студенттер өндірісте

14.06.2023

М. В. Ломоносов атындағы  Мәскеу мемлекеттік университетінің Қазақстан филиалының студенттеріне арналған таныстыру экскурсиясы «Богатырь Көмір» көру алаңында өтті. 30-дан астам болашақ экологтар мен олардың оқытушылары Қазақстандағы ең ірі көмір өндіруші компаниямен таныса алды.

Ғылыми-зерттеу жұмысы аясында балалар аймақтың табиғи ресурстарының негізгі түрлерін зерттейді, сондықтан кәсіпорынның қызметі олар үшін ерекше қызықты. Технологиялық қызметтің аға технологы Ербол Тұрғанов қонақтарға  «Богатырь»  кенішінің  тарихы және оның бүгінгі жұмыс күндері туралы айтып берді. Таныстырылымнан кейін оқушылар өндіру технологиясы, тасымалдау, көмірді орташалау, кеніш параметрлері, шаңды басу туралы сұрақтар қойды. Олар үшін жаңа циклдік-толассыз кешен туралы білу ерекше танымдық болды.

«Богатырь Көмір» кәсіпорынды жас және болашағы зор кадрлармен толықтыруға мүмкіндік беретін бейінді оқу орындарымен ынтымақтастыққа мүдделі. Бұл жолы да ЖОО басшылығымен өндірістік практикадан өту туралы келісім-шарт жасалды. Студенттердің бірі Серіктестіктегі мамандықтың негіздерін біліп тануда.