Құрметті демалысқа шығарып салдық

30.09.2021

«Богатырь Көмір» ұжымы Теміржан Жанисовты құрметті демалысқа шығарып салды. Ол 1993 жылдың маусымынан бастап «Жасыбай» демалыс орталығының тұрақты басшысы болды.

Атқарушы директор болып жұмыс істеген уақытында ол «ҚР көмір өнеркәсібінің құрметті қызметкері» атағын алды және «Еңбек Даңқы» белгісінің кавалері болды. Баянауыл ауданының ең көрікті жерінде ол 46 жылдан астам өмір сүріп, жұмыс істеді. Баянауыл ұлттық паркінің барлық қыр-сырын біле отырып, Теміржан Сұлтанұлы «Березка» демалыс үйі мен «Қарлығаш» балаларды сауықтыру лагерінің үздіксіз жұмысын ұйымдастыра алды. «Богатырь Көмір» ЖШС-нің  Бас директоры Николай Корсаков өзінің құттықтау сөзінде оның демалыс орталығының қызметіне қосқан үлесінің маңыздылығын атап өтті:

– Біздің компанияның игілігі үшін қызмет еткеніңізге шынайы ризашылығымды білдіремін. Біз Сіздің   демалыс орталығының дамуына қосқан жеке үлесіңізді жоғары бағалаймыз. Сіз көп күш жұмсап, көп күш-қуат берген іс-әрекет тек оң нәтиже берді, бұл бизнесті керемет ұйымдастырудың және жақсы беделдің дәлелі. Сіз үлкен кешенді және жұмыс көлемін мақсатты түрде орындай отырып, серіктестіктің әлеуметтік дамуы саласында бірыңғай саясат жүргізуге үлкен үлес қостыңыз. Сізге адал еңбек еткеніңіз үшін алғысымды білдіремін.

Өз кезегінде Теміржан Жанисов өзін және өз ұжымын үлкен көмір өндіруші компанияның бір бөлігі деп санайтынын атап өтті.

«Богатырь Көмір» ЖШС–нің баспасөз қызметі.