ЦАТ құрылысының барысымен танысты

02.07.2021

Бүгін «Богатырь Көмір» ЖШС - на жұмыс сапарымен «Самұрық-Энерго» АҚ Басқарма төрағасы Сұңғат Есімханов, өндіріс және активтерді басқару жөніндегі Басқарушы директор, басқарма мүшесі Серік Төтебаев келді.

«Богатырь» кенішін аралау кезінде «Богатырь» кенішінің бас директоры Николай Корсаков циклдық-ағындық кешен объектілерінің құрылыс барысы туралы хабардар етті.

Естеріңізге сала кетейік, жалпы құны 196 млн. еуро тұратын ЦАТ компанияның одан әрі дамуы үшін маңызды. Циклдік-ағындық технологияға көшу көмірді теміржол көлігімен тасымалдаудан оны конвейерлік тасымалдауға көшуге, сондай-ақ теміржол көлігін пайдалану өте қиын болатын 200 метрден астам тереңдікте көмір өндіруді жүзеге асыруға мүмкіндік береді. Сонымен қатар, ағынды технологияны енгізу «Богатырь» кенішінің қуатын жылына 40 миллион тоннаға дейін арттырады. Кешенді пайдалануға беру 2022 жылға жоспарланған.

«Богатырь Көмір» ЖШС–нің баспасөз қызметі.