Үнемді жоба

Бірлескен еңбектің жемісі – нақты нәтиже! Біздің Теміржол жабдықтарын жөндеу дирекциясы мамандары тағы бір табысты жобаға қол жеткізді.

Бұл жолы әңгіме 2ВС-105 думпкарының доңғалақ жұбы өсі мойнын қалпына келтіру туралы болып отыр.

Бұрын өстің мойны тозса – жаңа бөлшек сатып алуға тура келетін. Ал бұл айтарлықтай шығын.

Инженерлеріміз жөндеу сақиналарын қолданып, думпкардың доңғалақ жұбы өсі мойнының отырғызу бетін қалпына келтірді.

Нәтижесінде:

• думпкардың доңғалақ жұбының жаңа өстерін сатып алуға жұмсалатын шығын азайтылды;

• 24 дана өстің отырғызу бетінің геометриясы қалпына келтірілді;

• доңғалақ жұбы өстері отырғызу беттерінің тозуы себебінен жарамсыз деп тану қысқартылды;

• доңғалақ жұбы өстерінің қызмет ету мерзімі ұзартылды.

Осының арқасында жарты жылдың ішінде 4 млн теңгеден астам қаржы үнемделді.

Ал жылдық тиімділік 8,2 млн теңге болады деп болжануда.

Бұл – біздің ұжымның кәсіби біліктілігі мен үнемді шешім қабылдаудағы бірлігінің айқын дәлелі.